గ్రీన్ ఇండియా చాలెంజ్ లో భాగంగా మొక్కలు నాటిన ఎంపీ నవనీత్ కౌర్
- చాలెంజ్ లో పాల్గొనడం పట్ల హర్షం వ్యక్తం చేసిన నవనీత్
- అందరూ అవగాహన పెంచుకోవాలని సూచన
- ఈ కార్యక్రమాన్ని మరింత ముందుకు తీసుకెళ్లాలని పిలుపు
మాజీ నటి, పార్లమెంటు సభ్యురాలు నవనీత్ కౌర్ గ్రీన్ ఇండియా చాలెంజ్ లో భాగంగా మొక్కలు నాటారు. రాజ్యసభ సభ్యుడు సంతోష్ కుమార్ ఈ చాలెంజ్ ను ప్రారంభించడం గురించి తెలుసుకున్నానని, ఎంతోమంది ఈ చాలెంజ్ లో భాగంగా మొక్కలు నాటడం చూస్తున్నానని, ఇప్పుడు తాను కూడా అందులో భాగమయ్యానని తెలిపారు. టాలీవుడ్ సహా దక్షిణాది చిత్రపరిశ్రమల ప్రముఖులు మొక్కలు నాటుతూ, ఈ కార్యక్రమంలో పాల్గొంటుండడం ఎంతో బాగుందని కితాబిచ్చారు.
పర్యావరణానికి ఉపయోగపడే ఈ కార్యక్రమాన్ని అందరూ ముందుకు తీసుకెళ్లాలని, ఈ చాలెంజ్ కు మద్దతు పలకాలని నవనీత్ కౌర్ అభిమానులకు పిలుపునిచ్చారు. మొక్కలు నాటడం పట్ల అవగాహన పెంచుకోవాలని, ఇవాళ తాను కొన్ని మొక్కలు నాటడం పట్ల ఎంతో సంతోషంగా ఉందని అన్నారు.
పర్యావరణానికి ఉపయోగపడే ఈ కార్యక్రమాన్ని అందరూ ముందుకు తీసుకెళ్లాలని, ఈ చాలెంజ్ కు మద్దతు పలకాలని నవనీత్ కౌర్ అభిమానులకు పిలుపునిచ్చారు. మొక్కలు నాటడం పట్ల అవగాహన పెంచుకోవాలని, ఇవాళ తాను కొన్ని మొక్కలు నాటడం పట్ల ఎంతో సంతోషంగా ఉందని అన్నారు.